Bi wesîleya 35. salvegera damezrandina PKK'ê, li bajarê Fransa Montpellîerê şahiyek hat lidarxistin.

Şeva li navenda bajêr bi deqeyeke rêzgirtinê ji bo bîranîna têkoşgerên di şoreşa Kurdistan û cîhanê de jiyana xwe ji dest dane, destpê kir. Li salona şahiyê, li gel alên KCK û PKK'ê wêneyên 3 siyasetmedarên jin ên Kurd ên di meha Çileyê de li Parîsê hatin qetilkirin û posterên Rêberê Gelê Kurd Abdullah Ocalan hat daliqandin.

Di şahiyê de Hevseroka Meclîsa Gel a Montpellîerê Nesîbe Acar, Alî Riza Akyol, li ser navê Federasyona Elewiyan a Demokratîk Şenol Hantekîn û siyasetmedarê Kurd Suleyman Guneylî axivîn.

Dûre di şahiyê de Omer Konûr, Suleyman Çelîk, Çetîn Oraner, Bêrîvan Arîn, Alî Îhsan Dogan û Serhado bi stran û klamên xwe beşdarî şahiyê bûn girseya gel govend gerand. Şahiya ku timî dirûşmên "PKK gel e gel li vir e", "Bijî Serok Apo", "Şehîd Namirin", "Ji Rêber Apo re Azadî ji Kurdistanê re Aştî" hatin qîrîn heta derengiya şevê dewam kir.