Ciwanê Kurd Mihemed Ehmed Mihemed dema ku leşkeriya bi darê zorê ya rêjîma Bassê li bajarokê Senemên ê girêdayî bajarê Derayê dikir hate kuştin.

Malbata Mihemed diyar kir ku kurê wan beriya salekê leşkeriya xwe qedandibû, lê rejîmê ew berneda û rojek beriya ku were kuştin bi telefonê bi malabatê re axifiye.

 Malbatê da zanîn ku kurê wan 6’ê Nîsanê di avahiya leşkerî de bûye hedefa guleya segvanekî û jiyana xwe jidest daye. Malbatê bi hewldana 7 rojan cenazeyê kurê xwe girt.

Mihemed Ehmed Mihemed sala 1991’an li gundê Heyatê yê girêdayî Navçeya Mabata yê girêdayî Efrînê jidayik bûye û cenazeyê Mihemed bi beşdariya sedan kesî li gundê wî Heyatê hate veşartin.