Dadgeha Bilind, cezayê 46 sal û 8 meh ê li Alîkarê Mudurê Dibistana Seretayî ya Gazî ya Sêrtê Fahrettîn Kûzû yê teqawîtbûyî, ku 2 jê xuşkên hev dest dirêjî 4 zarokên keç kiribû, erê kir. 

Li Dibistana Seretayî ya Gazî ya Sêrtê, derketibû holê H.T ya 14 salî xuşka wê S.T ya 16 salî û G.E û Ş.Y, di serî de Alîkarê Mudurê Dibistanê Fahrettîn Kûzû rastî destdirêjiya gelek kesan hatibûn û ev yek bûbû sedema protestoyên mezin.

Tevî Alîkarê Mudurê Dibistana Seretayî ya Gazî ya Sêrtê Fahrettîn Kûzû û wezîfedarên dewletê, der heqê bi dehan gunehkaran de li Dadgeha Cezayê Giran a Sêrtê doz hatibû vekirin. 

Yek ji van gunehkaran Fahrettîn Kûzû teqawit bû û şopa xwe wenda kir. Kûzû piştî reva 19 mehan li Êlihê hat zevtkirin û girtin. Piştî ku daxwaza parêzeran a ji bo yekbûna hemû dosyayan hat redkirin, dosya Kûzû ji ya gunehkarên din hat cûdakirin.

Dadgeha Cezayê Giran a Sêrtê, bi sedema gunehê destdirêjiyê yê rê li ber xerakirina tenduristiya beden û giyanê vekirine, 46 sal û 8 meh ceza da Kûzû. Li ser dijderketina biryarê, dosya ket rojeva Dadgeha Bilind. Daîreya 14. a Dadgeha Bilind jî biryara 46 sal û 8 meh cezayê girtinê yê Kûzû erê kir.

Dadgeha Cezayê Giran a Sêrtê, der heqê gunehkarên din de jî, der heqê Zekî F. de 31 sal û 8 meh, Îsmalî T. 26 sal û 5 meh, Hasan B. 20 sal û 10 meh, Bariş E. 15 sal û 7 meh, Hammet A. 12 sal û 11 meh, Abdulhakîm E. 12 sal û 6 meh, Bekîr Z. 10 sal û 5 meh, Mûrat A. 9 sal û 4.5 meh, Temel T. 7 sal û 6 meh, Sînan Ç. 5 sal û 2.5 meh cezayê girtîgehê birrî. 

Dadgehê di doza duyemîn de jî der heqê gunehkaran Omer Z. de 6 sal û 11 meh û 5 roj, Hamza Ç 5 sal û 15 roj, Metîn A. 4 sal û 2 meh, Mahmût Nedîm H. 6 sal û 3 meh, Îsmaîl Ob 2 sal û 7 meh û 7 roj, Ahmet K. 4 sal û 2 meh, Kahraman B. 4 sal û 2 meh, Mehmet Alî Y. 6 sal û 11 meh û 10 roj, Ab dulgafur T. 7 sal û 7 meh û 20 roj û Yûsûf K. 10 sal û 5 meh cezayê girtîgehê birrî.