Li bejahiya gundê Rindkê yê Colemêrgê cenazeyekî ku tê gotin aydî gêrîlayek jin a HPG'ê ye hat dîtin.

Li ser îxbara ku li Şaxa ÎHD'ê ya Colemêrgê hat kirin, Şaxa ÎHD'ê ya Colemergê û rêveberên MEYA-DER'ê piştî serî li Dozgerê Komarê yê Colemêrgê dan, çûn herêmê.

Heyeta ÎHD'ê û MEYADER'ê pişti çûn bejahiya Gundê Rindikê, rastî cenazeyeke jin ya aydê gêrîlayên HPG'ê ye hatin. Endamên heyeta ÎHD û MEYA-DER'ê piştî cenaze wergirtin birin Nexweşxaneya Dewletê ya Colemêrgê.

Piştî Parlamenterê BDP'ê yê Colemêrgê Adil Zozanî, endamê Meclisa BDP'ê M. Sıddik Akiş û rêveberên BDP'e hatin nexweşxaneyê agahi girtin. Serokê Şaxa ÎHD'ê ya Colemêrgê Îsmaîl Akbulut diyar kir ku, piştî li vir lekolîn bê kirin û şûnde dê cenaze bişînin Saziya Tipa Edlî a Meletiyê û piştî rapora otopsiyê dê teslîmî malbatê bêkirin.

Akbulut anî ziman ku, “Me li ser agahiya ku ji ÎHD'ê re hat, li herêmê lêkolîn kir û me cenaze dît. Cenaze kengi hatiye definkirin ne diyare.Li bendê ye ku sibê cenaze bişînin Saziya Tipa Edlî ya Meletiyê."