Cenazeyê şervanê YPG'ê Zafer Sertkaya yê ku li Qamişloyê di pevçûna koma tê îdîakirin girêdayî Artêşa Azad de jiyana xwe ji dest da ji Deriyê Sînor ê Xabûrê anîn Tirkiyeyê.

Cenazeyê şervanê YPG'ê Zafer Sertkaya yê ku di 4'ê Nîsanê li Qamişlo di pevçûna di navbera YPG'ê û koma çeteya Artêşa Sûriyeya Azad de jiyana xwe ji dest da, li ser hewildanên malbatê ji Deriyê Sînor ê Xebûrê anîn Tirkiyeyê. Rêveberên BDP û MEYA-DER'ê cenaze pêşwazî kirin. Cenazeyê Sertkaya di ketina navçeyê ji aliyê polîsan ve hate destserkirin û birin morgan Nexweşxaneya Dewletê ya Silopiyê. Pişt re cenazeyê Sertkaya ji bo otopsiyê şandin Saziya Tiba Edlî ya Meletiyê. Hate ragihandin ku, cenazeyê Sertkaya dê li navçeya Yazihan a Meletiyê bê definkirin.