Cenazeyê Endamê Meclîsa Leşkerî ya HPG'ê Mehmet Kaplan (Mehmet Goyî) ku di sala 2012'an de li Elkê jiyana xwe ji dest dabû û ji bo otopsiyê biribûn Meletiyê, ji aliyê malbatê ve hate girtin û ber bi Wanê ve hate birêkirin.

Cenazeyê Endamê Meclîsa Leşkerî ya Hêzên Parastina Gel (HPG)'ê Mehmet Kaplan (Mehmet Goyî) ku di sala 2012'an de li Elkê jiyana xwe ji dest dabû û çend roj beriya niha di dema Mihrîcana Berxbirê ya li Zozanên Laleşa Elkê de ji aliyê gêrîlayên HPG'ê ve radestî gel hatibû kirin, piştî li Meletiyê muameleyên otopsiyê bi dawî bûn ji aliyê malbatê ve hate girtin û ber bi Wanê ve hate birêkirin.

Cenazeyê fermandara YJA-STAR gêrîla Nêrgiz Karahan (Nêrgiz Cizîr) ku duh ji Meletiyê hatibû girtin ber bi navçeya Cizîrê ya Şirnexê ve hatibû birêkirin.