Li Nepalê îro bi pileya 7,9 erdhejeyeke pir dijwar rû da.

Li gor enstîtuya Jeofîzîk a Amerîkan, erdhej 80 km li bakurê rojavayê paytext Katmandu, 70 km dûrî bajarê tûrîstîk Pokhara û 15 kîlometre di bin erdê de pêk hatiye.

Li gor medyaya herêmî, erdhej di navbera 30 saniye û du deqeyan de dewam kiriye. Erdhej li paytexta Hîndîstanê Yenî Delhî jî hat hîskirin.

Rayedarên Nepalî diyar kirin ku li geliyê Katmandu ku 2 mîlyon û nîv mirov lê dijîn zerareke mezin a madî rû daye.

Piranî ku avahiyên kevn hilweşiyane, gelek rê hatin girtin. Der barê windahiya can de hê ti daxuyanî nehatiye dayîn.