Li bajarê Dêrikê bi beşdariya hezaran ji welatiyên herêma Dêrikê ji bo piştgirîdayîna berxwedana Yekîneyên Parastina Gel (YPG) xwepêşandanek li darxistin.

Li bajarê Dêrikê bi însiyatîfekê ji Partiya Yekîtiya Demokratîk (PYD) û beşdariya nûnerên partiyan û tevgerên siyasiyên Kurd bi hezaran ji welatiyên herêma Dêrikê duh piştî nîvroj ji bo piştgiriya wan ji YPG’ê re, her wiha şermezarkirina êrîşên li dijî gelê Kurd û herêmên wan xwepêşandanek lidar xist.

Welatiyan di saet 17:00’an de ji Meydana Azadiyê dest bi xwepêşandana xwe kirin û li kolanên bajêr geriyan piştî di kolana Eyn Dîwarê re derbas bûn û li sûka navendî rawestîn li gel siloganên welatiyan û bê navber bi jiyana şehîdan diqîriyan. Her wiha siloganên li dijî komên çekdar ên girêdayî Artêşa Azad qîrkirin û qada bajêr bi pankert û alên rengîn hate xemilandin.

Li vir piştî deqîqeyeke rêzgirtinê ji bo cangoriyên Azadiyê Endama rêvebir ya PYD’ê Emîne Osî axivî û got: “Ji destpêka şoreşa Sûriyeyê ve Kurd tu carî dûrî şoreşê neketin, lê tu cudahî di navbera rejima Baas û komên çekdar tune ye ji ber ku herdu alî berpirsyarê koçberkirina milyonan welatiyan in.” Emîne bal kişand ser rola Yekîneyên Parastina Gel (YPG) di parastina herêm û destkeftiyên gel de.

Her wiha gelek gotin ji aliyê “Tevgera Civaka Demokrat, Partiya Demokrata Pêşverû ya Kurd li Sûriyeyê, Partiya wekheviya Demokratîka Kurd li Sûriyeyê, Saziya Malbatên Şehîdan û peyamek ji Partiya Asûriya Demokratîk” hatin xwendin. Li dawiyê hemûyan YPG’ê silav û spas kirin û berxwedana wan pîroz kirin.