BDP, ji bo pêvajoya çareseriya demokratîk bimeşe, dest bi "pêngava çareseriya demokratîk" a sê mehan dike. Kampanya "Hukûmet gav biavêje" îro destpê dike û wê heta sê mehan çalakî bên lidarxistin.

Navenda Giştî ya BDP'ê, der heqê kampanya çalakiyan a bi navê "hukûmet gav biavêje" ya îro destpê dike de, daxuyaniyeke nivîskî weşand.

BDP'ê da xuyakirin ku bi vê kampanyayê re ewê berpirsyariyên hukûmetê yên qonaxa duyemîn bînin bîra hukûmetê û destnîşan kir ku bi vê pêngava çareseriya demokratîk re daxwaza bingehîn wê azadiya Rêberê Gelê Kurd Abdullah Ocalan be.

Bi kampanyayê re wê ev daxwaz werin kirin:

• Di serî de girtiyên nexweş, hemû girtiyên siyasî serbest werin berdan
• Çêkirina qereqol, bendav û HES werin rawestandin
• Dawî li komkujiya ekolojîk bê anîn
• Tevgera leşkerî bê rawestadin. Leşker, polîs, akrep, TOMA û panzêr ji nava gel bên derxistin û li qişla û qereqolan bên bicihkirin
• Perwerdeya zimanê dayikê bê destpêkirin, astengiyê li pêşiya bikaranîna zimanê dayikê werin rakirin
• TMK û qanûnên antîdemokratîk bên rakirin
• Cerdevanî were rakirin
• Benda hilbijartinê bê daxistin
• Tedbîrên li dijî dijwariya li hemberî jinê bên girtin û kiryar bên cezakirin

DI HEFTEYA YEKEMÎN DE MEŞÊN GIRSEYÎ

Di daxuyaniyê de bernameya çalakiyan a meha destpêkê hat eşkerekirin. Li gorî vê yekê wê di navbera 30 Hezîran û 6'ê Tîrmehê de meşên girseyî bên lidarxistin.

Dem û bajarên meşê lê werin lidarxistin weha ye:

• 30 Hezîran: Amed, Edene, Mêrsîn, Dîlok
• 1 Tîrmeh: Wan, Mêrdîn, Riha
• 2 Tîrmeh: Şirnex, Mûş
• 3 Tîrmeh: Colemêrg, Bêdlis, Semsûr
• 4 Tîrmeh: Stenbol, Êlih, Agirî
• 5 Tîrmeh: Sêrt, Çewlik, Îdir
• 6 Tîrmeh: Meşên li bajarên din

BDP'ê da xuyakirin ku li gel van meşan, wê di 2'ê Tîrmehê de li Sêwas û Enqerê kesên di komkujiya Sêwasê de hatine kuştin bi girseyî bên bîranîn, her weha bi pêşeniya TUHAD-FED'ê ji bo azadiya girtiyan li ber Girtîgeha Metrîsê çalakî bê lidarxistin.

Her weha hat ragihandin ku wê bi awayekî girseyî beşdarî doza kuştinên kiryarên wan ne diyar a 5'ê Tîrmehê ya li Amedê bibin, ku tê de dosya Temîzoz tê darizandin.

HEFTEYA DUYEMÎN ÇALAKIYÊN RÛNIŞTINÊ

Di hefteya duyemîn a kampanya "hukûmet gav biavêje" de wê çalakiyên rûniştinê bê lidarxistin û berxwedêrên rojiya mirinê ya 14'ê Tîrmehê bên bîranîn. Dem û cihê çalakiyên rûniştinê lê bên lidarxistin weha ye:

• 7 Tîrmeh: Amed
• 8 Tîrmeh: Wan Riha
• 9 Tîrmeh: Stenbol, Îdir
• 10 Tîrmeh: Mêrdîn, Bêdlis
• 11 Tîrmeh: Şirnex, Agirî
• 12 Tîrmeh: Colemêrg, Sêrt
• 13 Tîrmeh: Êlih, Semsûr
• 14 Tîrmeh: Li her derê çalakiyên bîranîna berxwedêrên rojiya mirinê ya 14'ê Tîrmehê
• 15 Tîrmeh: Mersîn, Edene

DI HEFTEYA SÊYEMÎN DE WÊ ŞOREŞA ROJAVA BÊ SILAVKIRIN

BDP wê di hefteya sêyemîn a pêngava xwe de çalakiyên ji bo silavkirina şoreşa Rojavayê Kurdistanê lidar bixe û bernameya wê jî weha ye:

• 16 Tîrmeh: Stenbol, Îzmîr
• 17 Tîrmeh: Wan
• 18 Tîrmeh: Amed
• 19 Tîrmeh: Riha, Mêrdîn, Şirnex
• 20 Tîrmeh: Colemêrg
• 21 Tîrmeh: Mersîn
• 22 Tîrmeh: Edene
• 23 Tîrmeh: Êlih

DI HEFTEYA ÇAREMÎN DE WÊ JI QEREQOL, BENDAV Û HES'AN RE BÊJE RAWESTE

Di navbera 24 û 30'ê Tîrmehê de jî, wê li dijÎ çêkirina qereqol, bendav û projeyên HES'ê meş werin lidarxistin.

Meşên bi vê armancê wê li Şirnexê destpê bike û li Stenbolê bi dawî bibe.

• 24 Tîrmeh: Şirnex
• 25 Tîrmeh: Colemêrg
• 26 Tîrmeh: Mûş
• 27 Tîrmeh: Mêrdîn
• 28 Tîrmeh: Wan
• 29 Tîrmeh: Amed
• 30 Tîrmeh: Stenbol

Di daxuyaniyê de bang li tevahiya gelê Kurd û hêzên alîgirên demokrasî û aştiyê hat kirin, ku bi awayekî çalak beşdarî van meş û çalakiyan bibin.