Ji berdevkên koalîsyona bi pêşengiya DYA serheng Steve Warren diyar kir, beşeke mezin a vî bajarê 360 kîlometre li rojavayê Bexdayê ye, ji destê çeteyan hatiye derxistin. Berdevk da xuyakirin, ku bajarê Rûtba ji bo DAIŞ xwe bigihîne herêmên Sûriyeyê yên dagir kiriye, navendeke lojîtîk a stratejîk e.

Hat ragihandin, yekîneyên taybet ên Iraqê yên destpêkê ketin nava bajêr, semta El Întîzar bi dest xistine û li navenda bajêr şer hînê dewam dike.

Bajarê Rûtba ku beriya deriyê sînor ê Ti Tanif ê li ser sînorê Sûriyeyê û deriyê sînor ê Tûraybîl ê li ser sînorê Urdunê bajarê herî dawî ye, ji bo DAIŞ'ê cihekî stratejîk e. Bakur û rojavayê wîlayeta El Anbar ku Rûtba pê ve girêdayî ye, hînê di dest çeteyên DAIŞ'ê de ne.