Artêşa Tirk, li navçeya Sêrt Berwariyê rê birrî û gule li wesaîtên gundiyan reşand. Kemîn û kefşên leşkerên Tirk jî zêde dibin.

Navenda Çapemenî û Ragihandinê ya HPG'ê der heqê liv û tevgera leşkerî ya li Bakurê Kurdistanê de agahî da. Di daxuyaniyê de hat ragihandin ku roja 29'ê Hezîranê leşkerên Tirk rêya navçeya Sêrt Berwariyê birrînê û gule li wesaîtên gundiyan reşandine.

Di daxuyaniyê de ev agahî hatin dayîn:

"Di 29'ê Hezîranê de, yekîneyên artêşa Tirk a dagirker, rêya navçeya Sêrt Berwariyê û gundê Heşet ê ser bi navçeyê birrîne, gule li wesaîtên gundiyan reşandine û hin konên gundiyan xera kirine. Operasyona artêşa Tirk a dagirker a li qada Kato Heşet û kemînên li gundên Heşet û Norşînê jî dewam dikin. Artêşa Tirk a dagirker her weha di rojên dawî de bi balafirên keşfê li herêma Herekolê keşfê dike."

HPG'ê diyar kir ku, leşkerên Tirk li dora gundên Nîzyan, Deştiya û Xerxur ên herêma Çiyayê Reş a Sêrtê, kemînan datîne.

Di daxuyaniyê de hat ragihandin, ku leşkerên Tirk li bejahiya gundên Axkir, Varîs, Çûkûr û Serserê yên navçeya Bêdlis Xîzanê jî derketine operasyonê û di heman rojê de ji operasyonê vegeriyane.