Artêşa Iraqê dest bi operasyona Fellûce kir
Artêşa Iraqê, li hemberî çeteyên DAIŞ'ê yên navçeya Ramadî Fellûce dagir kirine, danê vê sibehê dest bi operasyoneke berfireh kir.
Hat ragihandin, di vê operasyona li bakurê Fellûceyê destpê kir de, rêya bingehîn a navbera nehiya Amirye û Fellûceyê ketin bin kontrola artêşa Iraqê. Tevî artêşa Iraqê, hêzên milîs ên ser bi eşîrên iherêmê, her wiha hêzên hewayî yên koalîsyonê di nava operasyonê de cih digirin.
Navçeya Fellûce ya Ramadî ku nêzî du sal in di destê DAIŞ'ê de ye, bi qasî 70 kîlometreyan dûrî paytext Bexdayê ye.
