Li gorî raporek Rêxistina Efûyê ya Navneteweyî (Amnesty International), gelek şîrketên navneteweyî yên li Endonezyayê dixebitin, ji bo hilberîna rûnê palmiye, mirovan mîna xulamên xwe bi kar tînin.
Di rapora Amnesty de hat ragihandin, di nava mirovên ji aliyê şîrketa bi navê Wîlmar a Sîngapûrî ve tên xebitandin, zarokên ji 8 heta 14 salî jî hene. Li gorî raporê, barê ji 25 kîloyan li pişta zarokan tê kirin û ewlekariya kar jî nîne.
Di dewama raporê de hat gotin, ji bo hilberîna rûnê palmiye, ji karkeran re rojane 2,5 dolar tê dayîn û hat destnîşankirin, ku jin jî neçar in saetên zêde bixebitin. Rapor dide zanîn, zarok neçar dimînin dest ji dibistanê berdin û alîkariyê bidin malbatên xwe.
COLGATE, NESTLE Û UNILEVER HATIN REXNEKIRIN
Di raporê de bal hat kişandin ser bêberpirsyariya gelek şîrketên mezin ên li Endonezyayê rûnê palmiye bi kar tînin û hat gotin, "Şîrketên mezin hê jî hewl didin ji vî karê qedexe feydê bibînin."
Di raporê de navên markayên mezin Colgate, Nestle û Unilever hat dayîn û bal hat kişandin ser agahiyên derew ên berhemên van şîrketan. Di raporê de hat rexnekirin, ku tinekirina daristanan û xwarina keda mirovan ji aliyê van şîrketan ve tên veşartin.
