Li Amedê, di çarçoveya kampanya "hukûmet gavê biavêje" de duh êvarê çalakiya "teqreqê" pêk hat. Ji bo dewlet gavê biavêje Amedî wê her êvarê saet di navbera 20.30-21.00'an de çalakiya "teqreqê" lidar bixin.

Rêxistina BDP'ê ya Amedê di çarçoveya kampanyaya "Hukumet gavê biavêje" de li ber Komelaya Welatiyên Azad û Wekhev ya Huzurevleriyê çalakiya "teqreq" a deng derxistinê li dar xist. Hevserokê BDP'a Amedê Mehmet Emîn Yilmaz li vir daxuyaniyek da çapemeniyê. 

Yilmaz diyar kir ku êdî her şev saet di navbera 20.30 û 21'an de dê "Çalakiya deng" li dar bixin û bang li hemû gelê Amedê kir ku tevli çalakiyê bibin. 

Piştî axaftinê welatiyan bi xistina beroj û tewayan dest bi çalakiyê kir. Piştî çalakiya ku demekê dewam kir, ji aliyê Meclîsa Ciwanan a BDP'ê ve li Parka Ahmet Arîf şahiyek li darxist. Girseya gel li ber stranên Koma Sîdar, govend gerand.