Di çarçoveya plana agirbesta nû ya ku Hamasê qebûl kirî de, tê pêşbînîkirin ku agirbesteke 60 rojî çêbibe û qonax bi qonax dîlgirtî bên berdan. Pêşniyar bi navbeynkariya Misir, Katar û DYE’yê pêşkêşî Îsraîlê hate kirin.

Li gorî nûçeya AFP’ê, midûrê servîsa îstixbaratê ya Misirê bi kurtî wiha got, “Top êdî li aliyê Îsraîlê ye.”

Çavkaniyeke siyasî yê paye bilind ê Îsraîlê jî ji AFP’ê re axivî û ev tişt got: “Pozîsyona Îsraîlê nehatiye guhertin: ji bo berdana hemû dîlgirtiyan û bi dawîkirina şer, divê şert û mercên din ên hatine diyarkirin bên bicihanîn.”

Îsraîlê hîna bi fermî bersiv nedaye, lê Serokwezîr Netanyahu berê diyar kiribû ku eger hemû dîlgirtî bi hev re û bi şert û mercên Îsraîlê neyên berdan, ew lihevkirinê qebûl nakin. Tê payîn ku heya dawiya hefteyê bersiv were eşkerekirin.

Plan radestkirina 10 dîlgirtiyan û 18 cenazeyên dîlgirtiyan, li beramberî wê agirbesta 60 rojî û piştre danûstandinên ji bo bidawîkirina şer, digire nava xwe. Hamas naxwaze Netanyahu pêvajoyê asteng bike û li Îsraîlê jî wezîrên rastgir ên tund li dijî lihevkirinê radibin.

Her wiha artêşa Îsraîlê jî li bajarê Xeze û derdora kampa koçberan a Al-Sabra operasyonên xwe zêde dike. Di êrîşên dawî de herî kêm 11 kesan jiyana xwe ji dest dan.

Di şerê ku 7’ê Cotmeha 2023’yan bi êrîşa Hamasê re destpê kir de, li Îsraîlê 1.219 û li Xezeyê jî zêdeyî 62 hezar kes mirin.