Çalakiyên şermezarkirinê yên li Îranê û Rojhilatê Kurdistanê li gel êrişên kujer ên rejîmê di roja 22'emîn de ne. Heta niha bi hezaran kes hatin kuştin, bi deh hezaran mirov jî hatin binçavkirin.
Li gorî daneyên Rêxistina Mafên Mirovan HRANA'yê, di xwepêşandanên şermezarkirinê de heta niha herî kêm 3 hezar û 120 kes hatin ukştin, ku 22 ji wan zarok bûn. Her wiha 3 hezar kes jî birîndar bûn û 24 hezar û 622 kes jî hatin binçavkirin.
Rejîmê ji bo tepisandina çalakiyan xetên înternet û ragihandinê qut kiriye û avêt ser gelek malan.
Li bajarên Rojhilat jî sewqiyateke mezin a leşkerî hate kirin û kolanên herêmê 24 saetan kontrolkirî ne. Hate ragihandin ku destwerdan bi bombeyên gazê û çekên cuda tê kirin û mal û kargehên çalakgeran bi boyaxên taybet hatine işaretkirin.
Lîderê olî yê Îranê Alî Xamaney bi gotina "Yên ku tevlîheviyê dikin û piştgiriya biyanî werdigirin" çalakger kir hedef û Serdozgeriya Tehranê jî îdîayên darvekirinê red kir. Serokê DYE'yê Donald Trump jî bi gotinên tund rexne li Xamaney kir û got, "Dem hatiye ku li Îranê li lêgeriyeke nû bê gerîn."
