Gallant, Netanyahu sûcdar kir ku têkildarî biryarên saetên ewilî yên operasyon û helwesta di dema êrîşên 7’ê Cotmehê de, raya giştî xapand.

Gallant diyar kir ku belgeyên ji aliyê Netanyahu ve pêşkêşî dewletê hatine kirin, hewldaneke bi zanebûn a ji bo “xapandinê” ye.

Gallant got, “Min qet nedifikirî ku ez ê neçar bibim vê di raya giştî de bêjim, lê serokwezîr derewan dike.”

Galland îdîayên ku dibêjin Netanyahu sihara 7’ê Cotmehê li dijî nêrînên saziyên ewlekariyê derketiye, red kir û got, wê rojê saet 09.00’an bi artêşa Îsraîlê re nirxandina rewşê temam kir û Netanyahu jî hîna negihiştibû biryargeha leşkerî ya li Tel Avivê.

Gallant ev tişt jî got, “Min îlan kir ku em di nava şer de ne, ji bo cîgir û yekîneyên rêkûpêk min fermana seferberiya tam da û min fermana li bakur û başûr bicihbûna lezgîn da. Serokwezîr ne li wir bû, lewma nikare xwedî li biryarên hatine girtin derkeve.”

Gallant destnîşan kir ku tiştên qewimîne ne tenê cudabûneke fikrî ya operasyonel e û pirsgirêka esas veguherî krîza ewlehiyê.