Şerê berdewam ê bi Îranê re û êrîşên fuzeyî zextê li ser sîstemên parastinê zêde dikin. Li gorî nûçeya Semafor, ku dispêre çavkaniyên DYE’yê, Îsraîlê hefteya bihurî ji DYE’yê re ragihand ku depoyên fuzeyên wê bi xetereya xilasbûnê re rû bi rû ne.

Di nûçeyê de, tê gotin ku hikûmeta Serokwezîr Benjamin Netanyahu dema ku operasyona xwe ya leşkerî ya dawî li dijî Îranê dest pê kir jî, depoyên fuzeyan kêm bûn. Sîstemên parastinê yên Îsraîlê di şerê 12 rojan ê li dijî Tehranê di meha Hezîranê de jî bi giranî hatin bikar anîn.

Mikurhatina Îranê ya bikaranîna fuzeyên serî misketan a di êrîşên dawî de, zextê hîn zêde kiriye. Cebilxaneyên bi vî rengî zirar dide qadeke berfireh. Ji ber ku ew di navbera sivîl û leşkeran de cudahî çênakin, wekî binpêkirina qanûna navneteweyî têne hesibandin.

Li gorî Semaforê, haya DYE’yê ji depoyên fuzeyê ya dewleta Îsraîlê heye. Ev wekî xetereyek berê hatî pêşbînîkirin tê hesibandin.

Hat ragihandin ku DYE’yê xwedî şiyanên parastina hewayî yên têrkere ku baregehên xwe li Rojhilata Navîn biparêze. Lê belê, ne diyar e ka gelo Washington dê van çavkaniyan bi Îsraîlê re parve bike dema ku şerê bi Îranê re berdewam dike.

DYA û Îsraîlê di 28’ê Sibatê de êrîşek hevpar li dijî Îranê dest pê kirin. Piştî vê êrîşê, Îsraîl bû hedefa hem Îran û hem jî Hizbûllahê.