Artêşa Dewletên Yekbûyî yên Emerîkayê (DYE) zêdeyî 4.580 DAÎŞ'iyên li Sûriyeyê girtî bûn veguhest Iraqê. Hate îdîakirin ku operasyona meha Çileyê destpê kir, bi armanca pêşîgirtina li reva gengaz hatiye kirin.
Li gorî nûçeya AFP'ê, Serokê Şaneya Agahdarkirina Ewlekariyê ya Serokwezaretiya Iraqê Saad Maan diyar kir ku heta niha 4.583 kes gihîştine Iraqê û armanca giştî jî 7 hezar DAÎŞ'î ne.
Rayedaran îdîa kirin ku kesên navborî li 'Navendên binçavkirinê yên ewle' têne ragirtin.
Li gorî çavkaniyên ewlekariyê yên Iraqî, di nava kesên têne ragirtin de Sûriyeyî, Iraqî, Ewropî û ji gelek welatên cuda hene. Dadgeriya Iraqê diyar kir ku têkildarî kesên hatine veguhestin de pêvajoya hiqûqî hatiye destpêkirin.
