Berdevkê Artêşa Muxafizên Şoreşê ya Îranê Alî Mûhammed Naînî anî ziman ku welatê wî xwedî wê kapasîteyê ye ku bi tempoya heyî ya operasyonê dikare şerekî giran herî kêm 6 mehan dewam bike. Li gorî Ajansa Nûçeyan a Farsê Naînî li ser êrişên bersivdanê yên Îranê daxuyanî da.

Naînî diyar kir ku Îranê di êrişên li ser hedefên Îsraîlê û baregehên DYE'yê de li zêdeyî 200 nuqteyan xistiye û anî ziman ku ji sedî 60 ê hêza lêdanê ya Îranê berê xwe da hedefên DYE'yê, ji sedî 40 jî li hedefên Îsraîlê xist.

Naîmî ragihand ku di operasyonên heta niha de fuzeyên ji nifşê yekemîn û duyemîn hatin bikaranîn, di qonaxên bê de wê fuzeyên hîn pêşketî û menzîl dirêj werin bikaranîn û bi vî rengî stratejiyeke nû ya êrişêk bi cih bînin.

Naînî îdîa kir ku plansazên şer di sê mijaran de hesabê şaş kirin û got, li bendê bûn ku di nava 48 saetên piştî sûîqestê de Îran hilweş e, şer tenê 3 rojan dewam bike û koalîsyona herêmî ava bibe, lê belê ev pêşdîtin hemû bi ser neketin.