Cîgirê rêveberê veguhastin û karûbarên bazirganiya derve li Şirketa Elektrîkê ya Îranê Mihemedullah Dad, ragihand ku ji ber zextên navneteweyî, têkiliyên siyasî û rewşa aloz a herêmê dabînkirina elektrîkê ji bo Iraqê hatiye rawestandin.

Mihemedullah Dad diyar kir ku rojane 1500 megawat elektrîk dişandin Iraqê ku ev yek di navbera ji sedî 10 û ji sedî 15’yê pêdiviyên elektrîkê yên Iraqê dabîn dikir.

Her wiha Mihemedullah Dad destnîşan kir ku danûstandinên bi Iraqê re ji bo vegerandina deynê 2 milyar dolarî, rawestiyane.