Wezareta Karûbarên Olî yê hikûmeta demkî yê Sûriyeyê (Ewqaf), daxuyaniyek ku komên çeteyan li dijî gelê Rojava sor dike da. Ewqaf, ku rejîma Seddam Hûseyîn mînak digire, duayên ji sûreta El Enfal parve kir.
Wezareta Karûbarên Olî yê hikûmeta demkî yê Sûriyeyê (Ewqaf), bi daxuyaniyekê ji melayên mizgeftan xwest ku ji bo ‘serketina artêşê’ duayan bikin.
Wezaretê komên çeteyan li dijî gelê Rojava sor dike û êrîşên li ser Hesekê û Kobanê wekî ‘fetîh’ bi nav kir.
Wezaretê, di daxuyaniya xwe de sûreta El Enfal ya Qurana pîroz bi kar anî, ku rejîma berê ya Îraqê di serdema Sedam Hûseyîn de, salên 1987 û 1988 heman sûret ji bo pêkanîna komkujiyan li dijî gelê Başûrê Kurdistanê bi kar anîbû.
