Sekreterê Partiya Demokratîk a Pêşverû ya Kurd li Sûriyê Selah Derwêş, bang li hemû partiyên Kurd ên li Sûriyê kir ku civîneke awarte li dar bixin û got ku divê berpirsiyariya dîrokî û neteweyî bê pêk anîn.
Selah Derwêş di daxuyaniya xwe de diyar kir ku herêma Bakur û Rojhilatê Sûriyê di pêvajoyeke pir hesas re derbas dibe û got: partiyên siyasî di vê mijarê de xwedî berpirsiyariyeke dîrokî û neteweyî ne.
Derwêş pêşniyar kir ku civîna awarte sibê (duşem) saet 12:00’ê li avahiya partiyê ya ku li Qamişloyê were lidarxistin û bal kişand ser wê yekê ku piştî civînê pêwîst e helwesteke hevpar bê girtin.
