Ji Dêrikê heta Kobanê gelê Rojava ser piyan e
Ji Dêrikê heta Kobanê, li tevahiya Rojava bi deh hezaran kes ji bo parastina destkeftiyên xwe li dijî êrîşên li ser Kurdan derketin kolanan.
Piştî bangewaziya seferberiya giştî ya ku QSD’ê ragihand, li Rojava bi deh hezaran kes seferber bûn. Li Dêrik, Girkê Legê, Çilaxa, Tirbespiyê, Qamişlo, Amûdê, Dirbesiyê, Hesekê û Kobanê bi deh hezaran kes derketin kolanan û piştgiriya xwe ji QSD’ê re nîşan dan.
Gelê ku li dijî êrîşan nerazîbûn nîşan dide, çek hildaye û li kêleka şervanên QSD’ê cihê xwe girtiye.
