Welatiyên Kantona Girê Spî, cenazeyên Yasîn Îbrahîm, Xelef Mehmûd, Mahir Şêx Xelîl, Cuma El-Selfîc, Xelîl Mustefa û Wasil El-Şehab ji bajarê Girê Spî wergirtin û bi karwaneke wesayîtan berê xwe dan Goristana Şehîd Mehmûd Tehme ya li gundê Tehnûza.

Li goristanê merasîmeke bi heybet ji bo her 6 şehîdan hatin lidarxistin. Merasîm bi deqeyek rêzgirtina leşkerî ve destpê kir.Piştre jî Endamê Saziya Malbatên Şehîdan a Girê Spî Wehîd Abdullah axivî û sersaxî ji malbatên şehîdan re xwest.

Hevserokê Sîstema Federaliya Demokratîk a Bakûrê Sûriye Mensûr El-Selûm axivî û got: “Xwîna hemû pêkhateyan li eniyên şer hate rijandin, da ku ji hemû cîhanê re isbat bikin ku dikarin herêmên xwe rizgar bikin û ewlekarî pêk bînin”.

Her wiha Hevseroka Rêveberiya Xweseriya Demokratîk a Girê Spî Zelîxa Ebdî jî axivî û hemû şehîdên azadiyê bi bîr anîn.

Piştî axaftinan, Endama Kongreya Star Muna Eswed wesîqeta her 6 şehîdan xwend û radestî malbatên wan kir.

Cenazeyên Şehîdan bi dûrişmeyên”Şehîd Namirin” ve hatin veşartin.