Bi boneya 1’ê Gulanê, bi pêşengtiya Konfederasyona Sendîkayên Kedkarên Karên Giştî (KESK) û Konfederasyona Sendîkayên Şoreşger û Kedkaran (DÎSK), di serî de pêkhateyên Tifaqa Ked û Azadiyê, gelek partiyên siyasî, rêxistinên jin û ciwanan, rêxistinên ked û yên pîşeyan, bi kortej ber bi Qada Tandoganê ve meş hat kirin.

Hevserokê Giştî yê Partiya Demokratîk a Gelan (HDP) Mîthat Sancar, namzedên parlementeriyê yên Partiya Çepên Kesk, tev li meşê bûn.

Ji bo bibîranîna kesên li Qada Tandoganê jiyana xwe ji dest daye, bi deqeyekê rêz hat girtin.

Gava lidarketina mîtîngê, girse rabû govendê, pankartên li ser ‘’Berxwedanê geş û bi rêxistin bike’’, ‘’Bijî 1’ê Gulanê’’, ‘’Parastin serî danayne’’, ‘’Dîsa em, reyna ma’’ û ‘’Em li vir in, em ê bi jinan re biguhêrin’’ nivîsandî, li qadê xuya bûn.

Dirûşmeyên ‘’Jin, jiyan, azadî’’, ‘’Xelasî bi tena serê xwe nîn e, ya bi hev re ya ne yek ji me jî’’, ‘’Li dijî faşîzmê di milên hev de’’, ‘’Bê Serok jiyan nabe’’ û ‘’Em ê bibin yek û bi ser bikevin’’ hat berzkirin.

Hevserokê Şaxê 2’yan ê Enqereyê yê Sendîkaya Kedkarên Perwerdehî û Zanistê (Egîtîm Sen) û endamê Komîteya Amadekariya 1’ê Gulanê Huseyîn Koklu, diyar kir ku 1’ê Gulanê, roja rojnamevanan e ku ji ber parastina mafê wergirtina nûçeyên rast in, tên cezakirin.

Koklu, got ku 1’ê Gulanê ne roja zilmkar û êşkencekaran e ku pişta xwe didin dewletê, lê roja şoreşger, welatparêz û kedkaran e ku canê xwe li ber tundiyê kiriye mertal, zêdel bedel dane. 

Ozlem Aktaş ku ji Sendîkaya Kedkarên Buroyê bû, destpêkê bi Kurdî axivî.

Bi pişt re Îlkay Akkaya, derket ser dikê û stran ji bo kedkaran gotin.

Parêzer Omer Oneren ku xwest biçe qada mîtîngê, li nuqteya lêgerînê polîs êrîş kir. Oneren got ku ji ber êrîşê ew li erdê ketiye, xwestiye serê xwe biparêzer û birîndar bûye.

Oneren her wiha da xuyakirin ku ji bo polîsê êrîşkar teşhîr nebe revî revî xwe ji qadê bi dûr kiriye.