Wezareta Navxweyî ya Qeterê, ragihand ku 313 kes bi tohmeta "belavkirina agahiyên şaş" girtine. Di daxuyaniyê Wezareta Qaterê, de hat diyar kirin ku ev kes ji ber parvekirina dîmen û agahiyên şaş ên têkildarî êrîşan hatine girtin.

Heman zext li welatên din ên Kendavê jî hatin dîtin. Çar kes li Behrêynê û sê kes li Kuweytê hatine girtin. Mîrnişînên Erebî yên Yekbûyî û Erebistana Siûdî jî di vê mijarê de hişyarî ji bo parvekirina agahiyên ne piştrastkirî dan.

Welatên mîna Qeter, Mîrnişînên Erebî û Behrêynê, demeke dirêje ji bo veberhênan û turîzmê xwe wekê cihên ewle, aram û bêpirsgirêk nîşan didin.

Dîmenên wekî êrîşên bi fuzeyan û teqînan îmaja cihê ewle dixe xeteriyê. Bi taybetî têgihiştina bazarên borsayê, turîzm û veberhênên biyanî ji bo wan mijarek cidî ye. Ji ber vê belavbûna agahiyan di demên krîzê de bi rengekî cidî tên kontrol kirin.