Şandeya Komîsyonê ji Îmraliyê vegeriya
Endamên Komîsyona Hevgirtina Neteweyî, Xwişk-Biratî û Demokrasiyê yên ku bi Rêber Apo re hevdîtin pêk anîn, ji Îmraliyê vegeriyan.
Piştî biryara komîsyonê ya hevdîtina bi Rêber Apo re, şandeyek îro çû Îmraliyê û bi Rêber Apo re hevdîtin kir.
Di şandeyê de Serokwekîla Koma Partiya Wekhevî û Demokrasiyê ya Gelan (DEM Partî) Gulistan Kiliç Koçyigit, alîkarê Serokê Giştî yê MHP'ê Fetî Yildiz û alîkarê Serokê Giştî yê AKP'ê Huseyîn Yayman cîh girtin.
Tê çaverêkirin ku şandeya ku li Îmraliyê hevdîtin pêk anî û vegeriya, wê daxuyaniyê bide.
