Polîsan zarokê 16 salî hem birîndar kirin hem jî kirin binçavan
Zarokê 16 salî A.Y.K. ê pêr bi şev li Edeneyê bi guleya polîsan ji lingê xwe birîndar bû, bêyî ku tedawiya wî ya li nexweşxaneyê biqede, ji aliyê polîsan ve hat binçavkirin.
Li taxa Barbaros a navçeya Edene Seyhanê, bi armanca şermezarkirina êrîşên qirkirinê û dorpêçiya li ser Kurdistanê, çalakiyek hat lidarxistin. Lê belê polîsên Tirk êrîşî çalakiyê kirin û zarokê bi navê A.Y.K. ê 16 salî ji lingê wî birîndar kirin. A.Y.K. duh li Nexweşxaneya Dewletê ya Edeneyê hat emeliyatkirin. Lê belê polîsên Tirk nehiştin tedawiya wî temam bike û bi lez û bez ew kirin binçavan.
Piştî ragirtina li emniyetê A.Y.K. sewqî dozgeriyê hat kirin.
