Di çarçoveya kampanya 'Edalet ji bo Pirsûsê, edalet ji bo her kesî' Însiyatîfa Malbatên Pirsûsê xwest ji Kadikoyê ber bi Enqereyê ve bimeşe, lê polîsan êrişî wan kir. Di encamê de 5 endamên însiyatîfê bi lêdanê hatin destgîrkirin.
Ji Însiyatîfa Malbatên Pirsûsê 8 kesan ji bo edaletê xwestin ji Kadikoy a Stenbolê ber bi Enqereyê ve bimeşin.
Beriya destpêkirina meşê, li ber Şaredariya Kadikoyê di nava dorpêçiya polîsan de daxuyaniyek hate dayin.
Di daxuyaniyê de hate bibîrxistin, tevî ku 6 sal di ser komkujiya Pirsûsê re derbas bûye hîn di dozê de gavek nehatiye avêtin.
Di daxuyaniyê de işaret bi girîngiya têkoşînê hate kirin û hate gotin, "Em zanin ku aştî û azadî bi ronîkirina komkujiyan û darizandina berpirsyaran wê bê vê xakê."
Bi navê Însiyatîfa Malbatên Pirsûsê 8 kesî xwest bimeşe, lê artêşek ji polîsan pêşî li wan girt.
Endamên însiyatîfê bi çalakiya rûniştinê ev kiryar şermezar kirin, lê belê 5 ji wan bi lêdanê hatin destgîrkirin.
