Li peravên Moda yên Kadikoyê, polîsan êrîş bir ser ciwanên li ber stranên Kurdî govend digirt. Polîsên êrîş bir ser ciwanan, dest da ser hoparlora wan a muzîkê. Ciwanan ku bertek nîşan da, polîsan gaza îsotê li wan reşand. Ku rageşî di nav polîs û ciwanan de çêbû, polîsek çek ji ber xwe derxist û gule bera hewayê dan. Piştî ku polîs gule berdan hewayê ciwanan xwe ji cihê bûyerê dûr kir, lê polîsan da pey wan û qet nebe 4 ciwan destgîr kirin.

Di wesayîta polîsan de êşkence li ciwanên destgîrkirî hat kirin. Kesên li derdorê, bertek nîşanê polîsan da.

Nehat zanîn ku navên ciwanên destgîrkirî çi ne û bi kû ve hatine birin.