Parêzerên Rêberê Gelê Kurd Abdullah Ocalan ku di bin şertê tecrîdê ê giran de li Girtîgeha Ewlekariya Bilind a Tîpa F a Îmraliyê tê girtin û 34 meh in tu agahî jê nayê stendin, ji bo hevdîtinê serlêdaneke nû li Serdozgeriya Bûrsayê û Midûriyeta Saziya Ceza û Înfazê ya Îmraliyê kirin.  

Serlêdan ji aliyê parêzerên Buroya Hiqûqê ya Asrînê Raziye Ozturk, Rêzan Sarica, Faîk Ozgur Erol û Mazlum Dînç ve hate kirin.

Parêzeran ji bo muwekîlên xwe yên din ên li Îmraliyê Omer Hayrî Konar, Hamîlî Yildirim û Veysî Aktaş jî serlêdan kirin.

Serlêdanên hevdîtinê yên malbat û parêzerên Abdullah Ocalan û sê girtiyên din, bi hinceta “cezayên disîplînê” tê astengkirin. Dadgerî hejmara dosyayê ya têkildarî cezayê disîplînê parve nake.