Meş ji aliyê Komîteya Piştgiriya Kurdistanê ve hat organîzekirin û nûnerên gelek partiyên siyasî, tevgerên civakî û bi sedan Arjantînî tevlî bûn.

Girseya gel li Ollero li hev civiya û bi qîrîna dirûşmên "Erdogan Basûra, vos sos dîktatdûra (Erdogan tu sergo ye, tu dîktator e)", "Erdogan Fascîsta, vos sos terorîsta (Erdogan tu faşîst e, tu terorîst e)" heta Sefaretxaneya Bilind a Tirkiyeyê meşiya. Çalakgeran li pêşiya Sefaretxaneya Bilind dirûşma "Kujer Erdogan" bi Tirkî, dirûşma "Jin jiyan azadî" bi Kurdî qîriyan.

Parlamentera Îzqûîerda Sosyalîsta Laûra Marone li vir axivî, zexta Tirkiyeyê ya li HDP, mûxalîfan û Kurdan şermezar kir û diyar kir, ew ê di asta parlamenteran de piştgiriyê bikin.

Parlamentera Kongreya Neteweyî Alcîra Argûmedo û ji Dayikên Plaza de Mayo Mîrta Baravalle jî gotin, "Piştgirî û desteka me ji bo berxwedana bi nav û deng a gelê Kurd e."

Ev partiyên siyasî û tevgerên civakî tevlî çalakiya protestoyî bûn:

Îzquierda Socialista (Çep a Sosyalîst),
Movimiento Socialista de los Trabajadores -MTS (Tevgera Sosyalîst a Karkeran),
Nuevo MAS (MAS a Nû),
Convergencia Socialista la Verdad, 
Convergencia, 
UCA - Union Cultural de Armenio (Komeleya Çandê ya Ermen),
Partido Obrero (Partiya Kedê),
Federacion Universitario BA (Federasyona Zanîngeha Bûenos Aîresê),
Partido Comunista Revolucionario - PCR (Partiya Komunîst Şoreşger),
Movimento Unidades Segundarios (Tevgera Yekîtiya Lîseyiyan).