Di saetên serê sibehê de polîsan li Îzmîrê bi ser malan de girt. Di encama serdegirtinan de 6 kes hatin destgîrkirin. Ji destgîrkiryan 2 jê hatin girtin û kar û barên îfadegirtinê yên 4 kesan jî ji bo sibe hate hiştin. Di encama serdegirtinên malan ên di 17’ê Cotmehê de li Îzmîrê 16 endamên Înîsiyatîfa Xwendekarên Azad hatibûn destgîrkirin û bi hinceta ku di dosyaya wan de delîlên nû hatine bidestxistin, nûçegihana JinNews’ê Nazlican Yildiz, Rêveberê Partiya Demokratîk a Gelan (HDP) ê Bajar Mûrat Tûfan û xwendekarên zanîngehê Firat Dîkmen, Mûrat Boztaş, Ayhan Bakir û Baran Tînk hatin destgîrkirin.

2 KES HATIN GIRTIN

Ji destgîrkiriyan nûçegihana JinNewsê Nazlican Yildiz û xwendekarê zanîngehê Ayhan Bakir piştî kar û barên îfadegirtinê sewqî edliyeyê hatin kirin. Piştî kar û barên li cem dozgeriyê, bi daxwaza girtinê sewqî dadgehê hatin kirin. Bi îdiaya îtîrafên du kesan, Yildiz û Bakir ji hela Dadgeriya Sizayên Giştî ve hatin girtin.

Kar û barê îfadegirtinê ya 4 kesan jî ji bo sibe hatin hiştin. Hat zanîn ku Mûrat Boztaş li Şaxa TEM’a Çankayayê, Mûrat Tûfan, Firat Dîkmen û Baran Tînk jî li Midûriyeta Emniyetê ya Îzmîrê tên ragirtin.