Komeleya Mafên Mirovan (ÎHD) çalakiya NobeTa Aştiyê ku her roja îna ewil a mehê li dar dixe didomîne. Vê mehê ji bo têkoşîna Dayikên Şemiyê nobet hat girtin. Çalakî li avahiya ÎHD’ê ya Şaxa Enqereyê hat lidarxistin, Dayikên Aştiyê û gelek kesk tev li bû.

Hevseroka ÎHD’a Enqereyê Sevîl Tûrgût di çalakiyê de axivî û bertek nîşanî êrîşa polîsan a her hefte li ser Dayikên Şemiyê tê da. Tûrgût anî ziman ku mafê civîn û meşan û çalakiyan di bin Desûra Bingehîn de hatiye mîsogerkirin û êrişa li dijî Dayikên Şemiyê tê kirin, binpêkirina hiqûqê ye. Tûrgût xwest astengiyen li pêşiya Dayikên Şemiyê û Qada Galatasarayî bên rakirin.

Dayika Ethem Sarisuluk, Safiye Sarisuluk anî ziman ku lawê wê hatiye qetlkirin û di bin axê de ye û kujer jî serbest digere. Sarisuluk diyar kir ku Tayyîp fermana lêdanê daye û heta neçe dê kes mafên xwe nestîne. Sarisuluk da zanîn ku kî derkeve kolanan tê girtin û dixwazin ev zext bi dawî bibin û bila dilê dayikek din êdî negirî.