Girtiyê bi navê Selamî Çîftçî ku li Girtîgeha Hejmar 1 a bi Tîpa T a Rihayê tê ragirtin, di 18’ê Kanûna 2023’yan de ji bo Rêberê Gelê Kurd Abdullah Ocalan ku li Girtîgeha Tîpa F a bi Ewlekariya Bilind a Îmraliyê tê ragirtin û zêdetirî 34 meh in agahî jê nayên girtin, name şandibû.

Lê Desteya Îdare û Çavdêriyê dest danîbû ser nameya Çîftçî.

Komîsyona Xwendina Nameyan a Girtîgehê bi îdiaya “bi fikar e”, name neşandibû û biryar da ku bê muhefezekirin.

Li ser vê yekê Çîftçî li Dadgeriya Înfazê ya Rihayê îtîraz kir.

Dadgeriyê jî ev daxwaz nirxand, îtîraz qebûl kir, biryara Desteya Rêveberî û Çavdêriyê red kir, beşên ku weke “bi fikar e” hatine diyarkirin xêz kir û biryar da ku name ji Îmraliyê re bê şandin. 
 
Nameya ku Çîftçî bi Kurdî ji Abdullah Ocalan re nivîandiye, piştre jî ji Girtîgeha Îmraliyê re hate şandin.