MLKP’ê têkildarî qetlîma 23’ê Kanûnê li Parîsê pêk hat daxuyaniyeke nivîskî da û got: “Dewleta Tirk a faşîst a mêtinger ku li çar aliyên Kurdistanê şerekê qirêj dike, ji bo qirkirina Kurdan û têkbirina têkoşîna neteweyî ya demokratîk bi xwînê, bi destên MÎT’ê qetlîamek li Ewropayê organîze kir.“

Di daxuyaniyê de ev tişt hatin diyarkirin: “Xuya ye ku kujer civîneke li Navenda Çanda Kurd a Ahmet Kaya ji xwe re kiriye armanc. Ev qetlîam nîşaneyeke bibîrxistinê ye ku divê Kurdistanî, demokrat, welatparêz, koçberên şoreşger, refên xwe xurt bikin û bi biryardarî têbikoşin. Divê her kes ji xeteriyê haydar be.

Daxuyaniyên Dozgerê Parîsê û yên Wezîrê Karên Hundir ê Fransayê ji bo veşartina navenda plankirina êrîşê û parastina rejîma Enqereyê û dîktatoriya Erdoganê îslamîst ê polîtîk ê faşîst in. Ev helwest dayîna der a mebesta tevgerîna bi faşîzmê re ya dewleta Fransî ye. Divê destûra vê neyê dayîn.“

Komîteya Navendî ya MLKP’ê ev tişt li daxuyaniyê zêde kirin:

1)           Çirîna perdeya veşartina qetlîama 23’yê Kanûna 2023’yan

2)           Eşkerekirina rastiyên qetlîama 9’ê Çileyê sala 2013’an

3)           Bidawîkirina girtina ser bikaranîna çekên kîmyewî ya artêşa Tirk a sermayedar li dijî gerîla li Başûrê Kurdistanê.

4)           Ji bo piştgiriya siyasî û leşkerî ya ji bo dagirkeriya rejîma şefîtiya faşîst a Erdogan li Rojava û Başûrê Kurdistanê tê dayîn, divê têkoşîneke bi biryar û encamgir têkoşîn bê kirin.“

MLKP’ê di dawiya daxuyaniya xwe de ev tişt destnîşankirin:

“Çîna Karker a Fransayê, ciwan û jin, gelên pêşverû yên Ewropayê, hêzên şoreşger, li dijî qetlîama bi navbeynkariya kiryarekê Fransî hat kirin, bila li qadan, li ber parlamentoyên neteweyî û herêmî dengê xwe bilind bike, ji bo dewletên Ewropayê dawî li hevkariya xwe ya bi xwîn û qirêj a rejîma Erdoganê îslamîst ê polîtîk ê faşîst ê piştgirê DAÎŞ’ê re bînin, em bang li hikûmet û partiyan dikin ku zextê li Tirkiyeyê bikin.“