Dîwana Dadgehê ji mexdurê Girtîgeha Pozantiyê T.T. re bi îdîayên "Li ser navê rêxistinê sûc kir", "Propagandeya rêxistinê kir" û "Li dijî polîsan rabû" 7 sal û 11 meh cezayê girtîgehê dayê û pişt re biryara tehliyeya wî da.

Rûniştina T.T. ê ku di Girtîgeha Pozantiyê de rastî îstîsmara zayendî û şîdeta fîzîkî hat û pêkutiyên bi serê wî hatibûn vegot, hate binçavkirin û hate girtin li 6'emîn Dadgeha Cezayên Giran a Edeneyê pêk hat. Parêzerê T.T. û malbata T.T. tevlî rûniştinê bûn. T.T. di rûniştinê de parastin kir û wiha got: "Ji ber tiştên hatin min serê min travma derbas kir û hêj jî ez di bandora wê deme me. Ez xwe baş hîs nakim. Tu eleqeya min bi bûyerên tê gotin tune ye. Dayîk û bavê min nexweş in. Ez dixebitim û li wan dimeyzînin. Ji ber ku ez hatim girtin ew jî pirsgirêkan dijîn. Ez û malbata xwe mexdur in."

Prz. Tugay Bek jî diyar kir ku muwekîlê wî nexweş e û wiha got: "Helwesta wî ya xwekujiyê heye û têklidarî vê yekê de ji Nexweşxaneya Hêrs û Rihê ya Edeneyê rapor girt. Ez dixwim muwekîlê min tahliye bibe." Heyeta Dadgeh piştî parastinan bi îdîayên "Li ser navê rêxistinê sûc kir", "Propagandeya rêxistinê kir" û "Li dijî polîsan derket" ji T.T. re biryara 7 sal û 11 meh cezayê girtîgehê dayê û pişt re biryara tahliyeya wî da.

T.T. di 7'ê adarê de hatibû girtin û berê jî hêj 16 salî li Girtîgeha Pozantiyê 2 caran girtî mabû. T.T. bûyerên tacîz û îşkenceyên yên li Girtîgeha Pozantiyê hatibin serê wî ji DÎHA'yê re vegotinbûn.