Meşa ku bi hezaran kes beşdarî bûn, saet di 15.00’an de li Qada Bastîlleyê destpê kir. Çalakiya ku li Qada Republîqûeyê veguherî mîtîngê, CKD-F, SCTÎT, ADH-K, ODAK, BÎR-KAR, Mala Çandê ya Sînemîllî, FEDA û Tevgera Jinên Kurd piştgirî kirin.

Di çalakiya de ku dem bi dem dirûşmeyên wek “Wê kujer Erdogan hesab bide gel”, “Dewleta Tirk a faşîst dest ende vîna min”, “Bi can bi xwîn em bi te re ne Ey Serok” hatin berzkirin, alayên HDP’ê û posterên parlementerên girtî hatin hilgirtin.

Di mîtîngê de li ser navê Platforma Têkoşîna Hevpar a Li Dijî Faşîmzê Kemal Dersîm, li ser navê Tevgera Azadiya Kurd Zozan Serhat û li ser navê HDK’ê jî Arîf Ayan axivî.

Di axaftinan de, piştî hewldana 15’ê Tîrmehê êrîşên li dijî Kurdan, HDP, DBP û partiyên xwişk-bira hatin destnîşankirin. Her wiha di axaftinan de hat diyarkirin ku polîtîkayên niha tên şopandin li civaka Tirkiyeyê bûye sedema pêkanîna eniyeke netewperest û di encama vê de jî li ser civakê êrîşên nîjadî û olî zêde bûne.

Li Qada Republîqûeyê, piştî axaftinan çalakî bi berzkirina dirûşmeyan bi dawî bû.