Şaredariya bajarê Palermo ya Îtalyayê, li dijî operasyonên qirkirina siyasî yên rejîma AKP/Qesrê li dijî HDP'ê dimeşîne, çalakiyeke protestoyî lidar xist.

Rayedaran al bi şaneşîna avahiya şaredariyê ve kirin û pankarta bi nivîsa "Azadî ji Serok Apo û wekîlên HDP'yî re, aştî ji Kurdistanê re. Palermo piştgiriyê dide gelê Kurd" vekirin.

LÎVORNO

Li bajarê Lîvorno yê Îtalyayê jî, konseya şaredariyê ji bo destekê bide HDP'ê daxuyaniyek da. Di daxuyaniya hevpar a konseya şaredariyê de hat gotin, "Tayînkirina qeyûman, girtina hevşaredaran û zextên li Kurdan tên kirin, êrîşa antî demokratîk e."

Hat destnîşankirin, ku ew piştgiriyê didin Hevşaredarên DBP'yî û parlamenterên HDP'yî yên hatine girtin.