Di operasyona qirkirina siyasî ya li dijî DBP’ê de derbarê 15 kesan biryara destgîrkirinê hate dayîn. Hevserokê Giştî yê DBP’ê Keskîn Bayindir jî di nav de herî kêm 14 kes hatin destgîrkirin.
Serdozgeriya Komarê ya Amedê di bin navê ‘PKK/KCK’ê de li dijî DBP’ê operasyoneke qirkirina siyasî da destpêkirin. Di hema demê de li hemû avahiyên bajêr ên DBP’ê de lêgerîn hatin destpêkirin.
Di çarçoveya lêpirsînê de Amed di serî de li 9 bajarên Kurdistanê polîsan girtin ser avahiyên partiyê û malan.
Derbarê 15 kesan biryara destgîrkirinê hate dayîn. Hevserokê Giştî yê DBP’ê Keskîn Bayindir jî di nav de rêveberên DBP’ê ya bajêr a Amedê Hayrettîn Altûn û Seval Gulmez, Hevserokê DBP’ê yê Şirnexê Zekî Îrmez, Hevserokên DBP’a Wanê Şengul Polat û Harûn Okay, Hevserokê DBP’a Rihayê Hîdayet Enmek, Hevserokên DBP’a Dîlokê Ethem Unal û Zelîha Aslan, Hevserokê DBP’a Mêrdînê Şerafettîn Aslan, bi giştî 14 kes hatin destgîrkirin.
Li Agirî û Êlihê di nava avahiyên partiyê de lêgerîn didome. Hate diyarkirin derbarê hevserokên bajêr ên her du bajaran jî biryara destgîrkirinê hatiye dayîn.
Kesên hatine destgîrkirin wê îro bînin Amedê.
