Di civînê de hate xwestin ku Awûstralya PKK’ê ji 'lîsteya terorê' derxînin.

Civîn li avahiya Sendîkayan a Vîctorîa pêk hat û lîderê Partiya Keskan a Awûstûralyayê senator Rîchard Dî Natale, parêzera Lelîkan Jessî Smîth, senator Andrews Vîlkîe, Sekreterê Eydaleta Vîctorîa ya Sendîkaya Perwerdeya Bilind Colîn Long û endama NAVKURD'ê Başak Gel tevlî bûn.

Dî Natale li civînê axivî û bi bîr anîn, dema ku Hevserokê HDP’ê Selahattîn Demîrtaş plan dikir ku were Awûstralyayê hatiye girtin û got, "Kelecaniya me ya ku em wî bibînin nîvco hiştin". Dî Natale xwest wekîlên ku hatine girtin serbest werin berdan û got, ew ê di dema pêş de Demîrtaş ziyaret bike.

Dî Natale diyar kir li ser Kurdên ku li Awûstralyayê dijîn zext hene û şewitandina komeleya Melboûrnê bi bîr xist. Natele diyar kir ku ew ê hevgiriya xwe ya bi Kurdan re bidomînin.

Di civînê de profeseor John Trully jî axivî û got, tekane hêza ku aştiyê bîne Rojhilata Navîn Kurd in û xwest doza li ser nûçegihan Lelîkan were rakirin.