Li navçeya Kumlucayê ya Antalyayê avahiya Rêxistina BDP'ê ji aliyê kesên nasnameya wan ne diyar ve hat şewitandin.

Li gorî agahiyan, avahiya BDP'ê ya li taxa Meydan a navçeya Kumlucayê ji aliyê kesên nasnameya wan ne diyar ve camên wê hatin şkandin û hemû alavên wê şewitandin. Şêniyên apartmanê şewat dîtin û mudaxele li şewatê kirin û piştre jî agahî dan yekîneyên agirvemirandinê û polîsan. Polîsan di çarçoveya şewatê de lêpirsîn da destpêkirin û hate zanîn ku Serokê Rêxistina BDP'ê yê Kumlucayê Cuma Yaman di çarçoveya lêpirsînê de îfade dan.

Hate zanîn ku mehek berê jî tabelaya BDP'ê ya Kumlucayê hatibû jêvekirin û camên wê hatibûn şkandin.