Di daxuyaniyê de hate gotin, "Di serî de li civakên ku ji bo azadiyê têdikoşin, li hemû kedkar, karker, jin, bawerî û li hemû kesan pîroz be."

KCD’ê di daxuyaniya xwe de amaje bi polîtîkayên qirkerinê yên dewleta Tirk kir û wiha got: "Ji şewitandin û kavilkirina bajarên Kurdistanê bigirin, bi zilm, çewisandin, zext û zordarî, girtin û kuştin û ji kar avêtina bi sed hezaran karker û kedkaran her cure polîtîkayên faşîst sazkar kirin û di dilê xwe re birin ku gelan radest bigirin lê bihara gelan a ku 8’ê Adarê bi jinên ku qad tije kirin dest pê kirî, di 21’ê Adarê de milyonên ji Colemergê ta bi Edîrneyê daketin qadan, nîşanî hemû dinyayê dan ku pêkan e faşîzm were têkbirin û bi ser bikevin."

KCD’ê bi berdewamî bal kişande ser êrîşa dewleta Tirk a li ser Rojava û Şengalê ya piştî referandûma 16’ê Nîsanê ku li gel ‘NA’ derketibû jî tifaqa faşîst a AKP-MHP’ê li ber çavê hemû dinyayê bi dek û dolaban encamên referandûmê desteserkirin û diyar kir ji bo ku van encamên referandûmê veşêrin êrîş bi ser Rojava-Şengalê de birine ê bi 1’ê Gulanê re êdî dem hatiye ku hesab ji hevalbendiya faşîst a AKP-MHP’ê ya tekparêz were pirsîn.

KCD’ê herî dawî got: "Ji bo xwedîderketina li vîna ku 8’ê Adarê, Newrozê û referandûmê diyar bûye, ji bo hişmendiya ku ji kar avêtinê dernekeve holê û ya herî girîng jî ji bo ku ev bihar bibe bihara gelan, di serî de karker û kedkar em bang li her kesî dikin ku 1’ê Gulanê derkevin kolanan."