Li Stenbolê giliyê zarokek 13 salî ji Navenda Ragihandaina Serokkomariyê (CÎMER) re hatiye kirin û bi îdiaya zarok “heqaret li serokkomar kiriye” doz hatiye vekirin.

Dozger îdia dike ku zarok “êrişî rûmet, şeref û rêzgirtina serokkomar kiriye.”

Li gorî nûçeya BîrGunê; derbarê zarokê 13 salî yê bi navê B.C.G. de lêpirsîna “heqareta li serokkomar” bi rê ve biriye, temam kiriye û îdianame amade kiriye.

Dadgeha Zarokan a Gazîosmanpaşa jî îdianameyê qebûl kiriye û doz vekiriye.