Endamên HDP û TJA'yê yên tevlî bîranîna Denîz Poyraz bûn hatin destgîrkirin
Li Stenbolê, rêveberên HDP'ê yên navçeya Esenyûrtê û aktîvîstên TJA'yê yên tevlî civîna bîranîna xebatkara HDP'ê Denîz Poyraz bûn hatin destgîrkirin.
Serê sibehê di serdegirtina malan de herî kêm 4 kes hatin destgîrkirin.
Polîsên Tirk bi hinceta ku tevlî çalakiyên ji bo şermezarkirina qetilkirina Denîz Poyraz bûne, avêtin ser malên rêveberên HDP'ê yên navçeya Esenyûrtê.
Aktîvîsta TJA'yê Salîha Yoyler, rêveberê HDP'ê yê navçeya Esenyûrtê Kerem Îpeklî, hevserokê berê yê HDP'ê yê Esenyûrtê Nedîm Karçik û Hanim Sever hatin destgîrkirin.
