Di 82’emîn roja berxwedana Kobanê de welatiyên li gundê Mehserê nobet digirtin, zincîra mirovahiyê ava kirin û berxwedana şervanên YPG û YPJ’ê silav kirin.

Bi sedan kesên li gundê Mehserê bi armanca pişgiriya şervanên YPG û YPJ’ê ku ev 82 roj e di berxwedanê de ne, nobetê digirin, destê hev girtin, dîsa zincîra mirovahiyê çêkirin û berê xwe dan Kobanê. Berxwedêrên nobetê ku bi rojan e, li gundê Mehser û Mîseynterê nobetê digirin, di saetên sibê de piştî paqijiya qadê berê xwe dan Kobanê.

Girseyê ji bo kesên li Kobanê jiyana xwe ji dest dane deqeyek rêz girtin û bênavber dirûşmên ‘Bijî Berxwedana Kobanê’, ‘Silav silav ji Kobanê re hezar silav’ , ‘Bijî Serok Apo’ berz kirin û ji bo vê berxwedana destanî berê xwe dan Kobanê û berxwedan silav kirin. Her wiha girseyê ji bo nimêja Înê li Mizgefta Mehserê ref girê da.