Di doza têkildarî kuştina Şahîn Oner ê 19 salî de ku bi wesayita zirxî ya polîsan li Amedê hate qetilkirin, polîs Selahattîn Korkmaz ji ber sûcê 'li gel nexwestinê bû sedema mirinê' bi 2 sal û 6 mehan hate cezakirin.
Rûniştina biryardanê li Dadgeha Cezayê Giran a 1'emîn a Amedê pêk hat û bersûcê polîs bi rêya SEGBÎS'ê tevlî rûniştinê bû. Parêzerên malbata Oner diyar kirin ku bûyer "kuştina bi zanebûn" e û xwest, bersûc ji vî sûcî bê darizandin.
Parêzeran nerazîbûn nîşanî biryara dadgehê dan û diyar kirin ku wê biryarê bibin ber destê Dadgeha Îstînafê.
