Civaka Îslamî ya Kurdistanê (CÎK), li ser meşa navendî ya 4'ê Mijdarê ku wê li bajarê Dusseldorf ê Elmanyayê bê lidarxistin, daxuyaniyeke nivîskî weşand.

Di daxuyaniyê de hat gotin, "Kes û hêzên ku ola Îslamê bi rengekî bê wijdan bi kar tînin, bi awaeykî hovane xwîna gelê me yê mezlûm dirijîne."

Civaka Îslamî ragihand, ku yekane tevger û rêbertiya ku ji bo sekinandina rijandina xwînê ya li alema Îslamê û rawestandina zilmê diafirîne, Rêberê Gelê Kurd Abdullah Ocalan û tevgera rizgariya neteweyî ya Kurdistanê ye.

Di daxuyaniyê de hat gotin, "xwediyên dewletên zordar ên li alema Îslamê, bi navê ol, bawerî, aştî, demokrasî, aramî û biratiyê derewan dikin û xwîna mirovan dirijînin. Birêz Abdullah Ocalan  ev munafiqên durû derxist holê, lewma hewl didin bêhnê li wî biçikînin.

Civaka Îslamî ya Kurdistanê destnîşan kir, ku parêzvanê aştî û jiyana bi hev re Ocalan divê tavilê bê berdan û wiha dewam kir: "Ji bo jiholêrakirina vê zilm û mexdûriyetê em bang li hemû Misilmanên durust, demokratan, mezlûman, aştîxwazan û dildarên azadiyê dikin ku 4'ê Mijdarê beşdarî meşê bibin."