Hevserokê KESK’ê Mehmet Bozgeyîk destnîşan kir ku her ku diçe desthilatdarî çavkaniyan ji bo alîgirên xwe pêşkêş dike û diyar kir ku bloka AKP-MHP’ê li ber hilweşînê ye. Bozgeyîk got: “Erka dikeve ser milê me vê hilweşînê zûtir bikin. Ji bo vê jî divê di xeteke demokratîk a hevpar de têkoşîn bê kirin.”

Hevserokê Konfederasyona Sendîkayên Kedkarên Cemaweriyê (KESK) Mehmet Bozgeyîk têkildarî ‘Giştînameya Serokkomariyê ya Hejmara 14/2021 a Têkildarî Tevdîrên Tesarûfê’ ji ANF’ê re axivî.

Bozgeyîk anî ziman ku hikûmeta AKP’ê di desthilata xwe ya 19 salan de hemû çavkaniyên li Tirkiye taybet kir û bi vê rêyê jî pêşkêşî alîgirên xwe kir, bi temamî polîtîkayeke ya talanê şopand. Bozgeyîk diyar kir ku desthilata AKP-MHP’ê nikarin krîzên siyasî û aborî yên li Tirkiye birêve bibin, ji ber ku dîtin winda dikin û ber bi hilweşînê ve diçin giştînameyeke tesarûfê ku ti pêwîstiya wê nîne belav kirin. Bozgeyîk got: “Dema mirov li giştînameyê dinêre dibîne ku piranî maliyet ji kedkarên cemaweriyê hatiye standin. Em bi bloka desthilateke welê re rû bi rû ne ku çavkaniya Banka Navendî hemû qedan û hesabê vê nadine. Ji bo wê di wê baweriyê de ne ku ti sûdeke vê giştînameyê ji bo kedkar û civakê nîne.

JI MEZAXTINÊN LEŞKERÎ TI TESARÛF NEHATIYE KIRIN

Bozgeyîk bal kişand ser mezaxtinên polîtîkayên leşkerî, belavkarî û emperyal ên Tirkiye ku li Rojhilata Navîn, Efrîqa û Qafqasan û diyar kir ku cihê divê tesarûf lê bê kirin ev be û got: “Beşek mezin a bûdceyê ji bo biçekirin û qada leşkerî tê veqetandin. Eger ku bi rastî tesarûfek tê xwestin bê kirin, eger ku dixwazin çavkaniyên welat ji bo, gel, civak û kedkarên cemaweriyê bê kirin, cihê ku tesarûf bê kirin amûrên leşkerî ên mîna S-400, F-35 û amûrên din ên leşkerî ku ji Elmanya û Îngîltere tê kirîn bê kirin.Ji roja ku KESK hatî avakirin me daxwaz kiriye ku çavkaniyên welat ji bo kedkar, civakê bê bikaranîn ne ji bo şer be.”

BÊKARÎ Û HEJARÎ ZÊDE DIBE

Bozgeyîk bal kişand ser krîz û bêkariya li welat û diyar kir ku di pêvajoya pandemiyê de krîz kûrtir bûn û nêzî 10 milyon kes bê kar mane û wiha pêde çû: “Di werê perwerdehî, tenduristî û gelek qadan de tevî ku pêwîstî bi personelan heye, lê nayên girtin, her roja diçe rêjeya karkerên ciwan zêdetir dibin. Bi rabûna qedexeya derve ya 1’ê Tîrmehê û şûnde gelek kes ji kar hatin derxistin. Ji bo vê kedkarên cemawerî, civak û gel hejar dibe.”

XETA TÊKOŞÎNA DEMOKRATÎK

Bozgeyîk bal kişand ku divê karker, kedkar û gel li dijî polîtîkayên şer xeteke têkoşînê ya hevpar ava bike û got: “Erka dikeve ser milê me vê hilweşînê bilezînin. Rêya rizgariya ji bêkarî û hejariyê, di nava demokratî û aştiyê de, ked û mafê mirovan bê parastin, ji bo Tirkiyeyeke demokratîk ku her kes mîna mirovan bijî, divê têkoşîn bê bilindkirin.”